12-14 aprel tarixlərində Bakının ən dəbdəbəli məkanlarından biri olan Four Seasons otelində Millionaire Concept platforması tərəfindən keçirilmiş “The Globe Gala” adlı üç günlük tədbir gerçəkləşmişdir. Tədbirin son günündə lüks həyat tərzi, moda və biznes dünyasındakı yenilikləri əks etdirən iştirakçılara zəngin proqramlar və unikal təcrübələr təqdim edilmişdir. Qeyd edək ki, Millionaire Concept iş dünyasının tanınmış simalarını bir araya gətirən beynəlxalq mükafatlandırma mərasimidir.
Tədbirdə iştirak edənlərin arasında dizayn və funksionallığı ustalıqla birləşdirən yaradıcılığı ilə seçilən Merve Derya Atmaca öz yerini almışdı. Merve, 1993-cü ildə Ankarada dünyaya gəlmişdi. Çankaya Universitetində Beynəlxalq Ticarət üzrə təhsil almış Atmaca, 2017-ci ildən etibarən Atmacaoğlu Qrupunu təmsil edərək enerji, tikinti, mebel və memarlıq sahələrində fəaliyyət göstərmişdi. Eyni zamanda Baroque Furniture & Architecture brendinin təsisçisi olmuşdu.
O, klassik Barok üslubunu müasir dizayn elementləri ilə vəhdətə gətirərək, hər bir müştəri üçün fərdi yanaşma əsasında yaradılan orijinal memarlıq layihələri təqdim edirdi. Atmacanın rəhbərliyi ilə marka, estetik və funksionallığı bir araya gətirən fərdiləşdirilmiş dizaynlarla seçilirdi. O, “İnkişaf, öyrənmək və kəşf prosesi mənim üçün həmişə həyəcanverici olub” sözləri ilə işinə olan sevgisini ifadə etmişdi.
Tədbirin ən diqqət çəkən simalarından biri olan Merve Derya Atmaca 14 aprel 2025-ci ildə “The Globe Gala” gecəsində uğurlarına görə “İlin Uğurlu Biznes Xanımı” mükafatına layiq görülmüşdür.