Millionaire Concept-in ev sahibliyi etdiyi Gala, 3 dekabr 2024-cü il tarixində Four Seasons Otelində baş tutmuşdur. Gecənin xüsusi qonaqlarından biri isə istedadlı xanım Münəvvər Mustafazadə olub və o, Millionaire Concept-in rəsmi mükafatına layiq görülmüşdür.

 

Münəvvər Mustafazadə çoxşaxəli və daim özünü yeniləmək üçün çalışan bir şəxsiyyətdir. Münəvvər, Bakı Turizm Peşə Liseyi məzunudur. Eyni zamanda, CASÀ Culinary Arts Center of Azerbaijan-da şirniyyatçılıq sahəsində beynəlxalq dərəcəli diplom əldə edib. Daha sonra Mutfak Sanatları Akademisi və Le Cordon Bleu İstanbul kimi, 62 ölkədə keçərli olan diplomlara sahib olub.

O, Dubay, İstanbul və Moskva şəhərlərində dünyaca tanınmış şeflərin master-klasslarında iştirak edərək sertifikatlar əldə edib. 10 ildən çox iş təcrübəsi ilə Marriott və Four Seasons kimi tanınmış otellərdə işləmək imkanı qazanıb. Bununla yanaşı, dünyanın ən yaxşı onlayn şirniyyat dərslərindən biri olan Novikov Space Online kimi platformalarda aktiv şəkildə iştirak edir.

Münəvvər çoxşaxəli şəxsiyyət olduğundan, o, Makeup Artist kimi də fəaliyyət göstərir. Gənc bir biznes lideri olaraq qazandığı uğurları ilə gəlinlər, bu sahənin incəliklərini öyrənmək istəyən yüzlərlə həmkarı və tələbələri üçün bir nümunədir.

Onun gələcək hədəfləri və məqsədi, yaratdığı premium brendi həm ölkəmizdə, həm də xaricdə tanınmış və nüfuzlu markalar arasında lider mövqelərdə görməkdir. Münəvvər Mustafazadə, 3 dekabr 2024-cü il tarixində Millionaire Concept tərəfindən mükafatla təltif olunmuşdur.