Millionaire Concept-in ev sahibliyi etdiyi qala gecəsi 3 dekabr 2024-cü ildə Four Seasons otelində keçirilmişdir. Gecənin xüsusi qonaqlarından biri isə beynəlxalq yarışmaların qalibi, gözəl səsi ilə tanınan Tatia Kobaladze olmuşdur.
Tatia Kobaladze Gürcüstanın tanınmış müğənnisidir. O, müxtəlif beynəlxalq vokal yarışmalarında iştirak edərək diqqət çəkmiş və böyük uğurlar qazanmışdır. Musiqi sahəsində peşəkar olan Tatia, “X Factor” və “The Voice” kimi məşhur yarışmalarda iştirak etmişdir. 2015-ci ildə Ukraynanın “X Factor” yarışmasının finalçısı olmuş, 2017-ci ildə Gürcüstanın “X Factor” yarışmasında iştirak etmiş və 2019-cu ildə Türkiyənin “O Ses Türkiye” yarışmasının finalçısı olmuşdur.
Tatia Kobaladze 2025-ci ildə Gürcüstanı “Eurovision” mahnı müsabiqəsində təmsil etmək üçün mahnı təqdim etmişdir. O, həmçinin 2022-ci ildə “America’s Got Talent” şousunda iştirak etmək üçün seçim turlarını keçmiş və Simon Cowell qarşısında çıxış etməyi planlaşdırmışdır. Bundan əlavə, onun ilk müəllif mahnısı Amerika radiostansiyalarında yayımlanmağa başlamışdır.
Ecazkar səsi və cazibədar görünüşü ilə Tatia iştirak etdiyi bütün tədbir və müsabiqələrdə diqqətləri üzərinə çəkməyi bacarmışdır. 3 dekabr 2024-cü ildə Millionaire Concept tərəfindən “Gürcüstandan ilin ən uğurlu müğənnisi” mükafatına layiq görülmüşdür.